--(( ماتضيق الا وتفرج من افجوج وساع ))--

السلام عليكم ورحمة الله وبركاته

هذه القصيدة اعجبتني وحبيت ان انقلها لكم .

*********************************

--(( ماتضيق الا وتفرج من افجوج وساع ))--

كلمتني قالـــــت مسافره وابغي وداع
.................وطلـــــــبت منــــي وداع يخص العاشقين

فاجئتني كل هذا حصل في ربع ساع
.................ماقدرت اصـــــد منها شــــــــمال ولايمين

قلت يابنت ابشري وامركم سمع مطاع
.................والـــــوداع صعيب يابنت يبكـــي كل عين

اطلبي يابــــنت غير الجفاء والانقطاع
................ اطلبـــــي والله كـــــريم يعـــــين الصابرين

اطلبي يابنت عمري مع غيرك ضياع
................اطلـــــبي والله منســـاك لـــــــوغبتي سنين

اطلبي حالي وروحي ترا لجلك تباع
.............. والثمن غالـي وروحـــي فدي الوجه الحسين

اطلبي يابنــــت وانا علـي الاستماع
............... اســـمع المطلـــــوب وانفذه مـــن غير سين

اطلبي يابنت لاتستحـــــي مافيه داع
................ اطلـــــــبي يابنـــت لاتخجلــــين وتستحين

الحقيقه مخلص في هواك بالاقتناع
................وان قلبــــي لــــك وماتطلبـــــينه حاضرين

السفينه لابحـــرت لاتهدين الشراع
............... البحر غـــــــــــدار موجــه غدا بالسابحين

الحيــاه أيــام والحـــب للعاشق متاع
............... اطلــــبي تدللـــي وابشــري باللـــي تبين

الوفاء للحــــب يابنـــــت والله مايباع
...............والله مرخص حب شــرواك وانتي تعرفين

قالت المطلوب جاني ولا عندي طماع
............... وان طمعت اطمع بقربك معي في كل حين

الفراق اكبر مصيبه وجاني بالصداع
............... والله ماقوى ابعد عن اديــــاركم لو ساعتين

انا يالغالي مع عالمي شــــــد وصراع
................غصب عنــــــي بعدكـــــم يالغلا والله يعين

الزمان اللي قسى ليش شتت الاجتماع
................والزمـــــان اللـــي طعنـــي بقلبــي طعنتين

والله ادري عنك ياعزوتي رجل شجاع
.............. وادري ان العــــين مايحتمــــيها الا الجبين

قلت يابنت اذكريني ترا بقلـــــبي وجاع
.............. مالي الا اصـــــبر مع الوقت يمكن ترجعين

والله يابنت ان غلاكم سكن تحت الضلاع
..............وان هواكم داخـــل القلـــــب وجداره متين

لاختفى نــــور القمر وش نبغي بالشعاع
..............لاتقـــولـــــي شـــــي يابـــنت لا لا تزعلين

ماتضيق الا وتفرج من افجوج وساع
............. والفــــرج موعــود مــن عند رب العالمين

تسلم ايدك
الي الامام دوما
--(( ماتضيق الا وتفرج من افجوج وساع ))-- 919196